[ ديـــوآإن الأســـراإر ] .. جديــد الشـأاع ـر " فهـــد المس ـآاعـــد "

قام الشاعر فهد المساعد بطرح ديوانه الصوتي الجديد (الأسرار ) والذي أحتوى على مجموعة من أعمال الشاعر والتي اشتهرت بين جمهوره في الخليج حيث يضم الديوان 18 قصيدة
حبيت أوضح لك ، الأسرار ، سكة الذكرى الحزينة ، تعال ، العذر ، آخر دروبي , سحابة ، الغربة ، تحت الأرض أحبك ، التفاصيل الصغيرة ،19 عام ،وحدة بوحدة سؤال ، عين بدوي ، بسم الله عليك ، صلاة وعناقيد ،مشاوير ..
الجدير ذكره أن هذا الإصدار يأتي مكملا لديوانه الصوتي الأول ( المدينة والغريب ) والديوان المطبوع ( سالفة عشاق ) وأتى ذلك بعد 4 سنوات من إصدارة لديوانه الصوتي الأول

• • • • • •

الأسرار
قصيدة صوتية للشاعر
فهد المساعد

[size=29]•
•
•

يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكلام اللـي بغيـت أقـول .. يحتـاج ل سكينـه !

شوفي الركن البعيـد هنـاك .. كنـه صـدر حانـي
هـذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الـزوايـا، والمبـانـي
هاتـي يدينـك نلـف الغـيـم ونشـكـل مديـنـه !!

عنـدي الليلـة كـلام وصمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعـيـن الـلـي أبــي ولا تـرانـي
لو ب أعيده لك .. نسيت .. ورحت أقول اللـي تبينـه

شي واحد قبل ما أبـدأ .. مـا أبـي أي شـي ثانـي
يخطر ف بالك .. وأنا أكشف لك شعـور تجهلينـه !

إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هـواك الأولانــي
أشعـر إنـي أنطعـن مليـون مـره مــن يديـنـه!

أشعـر إن عيونـك.. الله مـا خلقـهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي
وكيـف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلله .. حظـي رمانـي..
بنفس الاسم اللي يقـول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنــا مانـيـب أنـانـي
لو سلمت من الغرق . ب أموت في ظهـر السفينـه!

يا إني ما أكمل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:

مثـل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه!

•
•
•
للتحميل
هنا

•
•
•

وان شاء الله تسمعونها
من الديوان الصوتي
( الأسرار )
اللي حاليا بالأسواق

• • • • • •

وآآآآآآآآآآآآآآآآآآو
الله يخلي شاعرنا بس
لك تسلمي خيوو
ما قصرتي
لا هنت