منتديات مافيا المدرسة

منتدى لكل مبدع ..!
 
البوابةالرئيسيةمكتبة الصورس .و .جالمجموعاتالتسجيلدخول

شاطر | 
 

 حياة زينب (من اجزاء)

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: حياة زينب (من اجزاء)   الثلاثاء 12 أغسطس - 14:54

حبيت أنقل لكم قصه ألفتها اني و نزلتها في منندى بأسم(فراوله ورديه) .. صار لها مدى امنزلتنها فحبيتهم انقلها لكم ..:)
النقل مسموووح لكن بشرط تكتبون بقلم : فراوله ورديه

نبذه عن القصه: القصه هي عباره عن حياة بنت حلو اسمها زينب و في هالقصه مغامرات و تجارب و مشاكل و اشياااء و ايد تفرح القلب او تحبط مشاعر زينب

الجزء او الحلقه الأولى:
زينب بنت حلوه مثل ما قلت لكم قبل و هي طيبة و مرحه و تملك عين حلوووه
واسعه و لونها عسلي ما يملك الا نسبه قليله . و بشرتها فاتحه و صافيه . شعرها حرير و اسود اللون
فأن ملامحها ناعمه و بريئه و جسمها حلو
فكان جمالها مختلط بالجمال الأيراني و الجمال الخليجي
و أصل زينب ابوها ايراني و امها
و هاذا الجمال ورثته من عمتها
لاكن زينب ما تختلط وايد بالناس فهي انطوائيه و خجوله واااايد لدرجه غير متوقعاه.

ولدت و اتربت زينب في فريق صغير و حلو
و قريب من جيران طيبين و اعتادت عليهم و على شوارع و جهال الفريق الي كل يوم يلعبون عند بيتهم. فأتعلقت واااايد بالفريق و حبته من قلبها لأن في ارضها اتربت و على اترابه تمشي و تكبر
لاكن تحولت هي و عائلتها عن هالفريق بين التسع او العشر من عمرها الى بيت جديد
كانت زين مستااااااااااااااااانسه لانها كانت تتمنى انها اتعيش في بيت كبير و حليو

زينب عندها اخو اصغر منها ابسنتين (محمد) و هو حلو و اسمر و عيوونه اتجنن ناعسة و سووووده وااااجد
و شعره بعد وااااااجد اسود و ناعم يوصل الى نص رقبته . لاكن محمد مشاكس و يتميز ابخفة دمه
و مواقفه الي اتفطس من الضحك
و هو عكس اخته ما عنده مسطلح في حياته اسمه الخجل و شعبي ويه الناس و يحب يتعرف على الناس لصغار و لكبار حتى شياب الفريق صارو رفقانه هههههههه
قلبه طيب و حنون على امه و خواته و خصوصاً اخته الصغيره (فاطمه)
فاطمه اصغر وحده في العائله و بييييضهه و عيونها حلوه مثل عيون اختها زنوووب و شعرها اشقر و مدرج و لكنه يناسب شكلها الضريف
وااااايد دليييعه يمكن لأنها اخر العنقود و مطالبها وااايد و ما اتخلص و ما تتنازل ابسرعه و عنييده لاكن حبويه و شعبيه مثل اخوها حمووود
هاذلين الاخوان الثلاث (زنووب الخجوله و حموود المشاكس و فطووم العنيده)
و اخيراً امهم الحنونه على هالثلاث و الأب الحبيب (حجي علي)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الثلاثاء 12 أغسطس - 14:58

(الجزء الثاني)
انتهت العطله الصييفيه ابسرعه و لااازم على زينب و محمد انهم اروحووون مدرسه جديده و غير عن مدرستهم القديمه لأنهم اتحولو الى فريق جديد
و كانت زنوووب حزينه لأنها بتروح المدرسه (في الصف الخامس)الي ما تعرف فيها احد من صديقاتها او احد من معارفها
و هي ما تختلط بالناس خصوصاً اذا كانو غرباء
لاكن محمد كان فرحان لأنه بيتعرف على طلااب جدد.

راحو الأثنين المدرسه و كانت زينب متشائمه و هي تدخل المدرسه و اتشوف الوجوه الغريبه و الممرات
و هي تمشي في المدرسه تذكرت مدرستها القديمه و اصدقائها و مدرساتها الي كانو هناك و خصوصاً صديقاتها التوئمتين (أيان و بيان)
و حست بالضيق و الحزن و الغربه لفراقهم .... و بعد شوي رن جرس الطابور و راحو البنات صفوفهم
عدت زينب على كرسيها و كانو الطالبات يطالعونها ابنضرات استفهام لأنها كانت غريبه بينهم
طالعتهم زينب و ابتسمت في و جهم
اخذت تتكلم ليها البنت الي قاعده صوبها و هالبنت طيووووووبه و حبوبه
البنت ابسلوب مرح:انتين جديده عن هالمدرسه له؟؟
زنووب: اي
البنت: اني اسمي فجر انتين ويش اسمش؟؟
زنووب: اللاااااي اسمش حليو اني اسمي زينب
فجر: انتين بعد امش حلوو
و قعدو يسوولفون و سوالف البنات ما اتخلص

نرجع الى محمدووو

دخل حموود(في الصف الثالث) الى المدرسه الجديده و في وجهه ابتساامه و تفااؤل
و رااااااح ركييييييييييض يدور على صفه و هو مستعجل كأن واحد لاحق وراه ههههه . و هو يدور اسمه كان يتحلطم اقوول(اففف لوييش اسمي مو راضي طالع والله انا من امي جابتني و انا طايح حظ الكل دور اسمه وشافه ألا انا ......)
كان صبي واقف صوبه و هو فاطس من الضحك عليه و على كلامه
قال لصبي: ويش اسمك يمكن احصله ليك؟
قال محمد: اهلاً شحواالك أنا اسمي محمد علي..... و انت ويش اسمك؟
لصبي: احمد لله انا اسمي علي جعفر.....

و قعدو ادورون الأسماء و بعدين محمدووو شاف اسمه و اسم جعفر في نفس الصف
محمد: جيفرييي حبيبي حصلت اسمك >>>>ادلعه بعد متفرغ هههه
جعفر: اووه صدق و ياك انا في صف عجل
محمد: اي اللاااااي احبك ابوو الشباب انت
و دخلو الصف و هم يهدرون و فلتو شنطاتهم و رااحوو يدورون في المدرسه
و هم يدورون محمد كل حين يسأل جعفر هاذي حجرة المشرف؟ظ هاذا المقصف؟؟ وين الحمامات؟؟ ........
جعفر قال ليه: انت ما تدلي المدرسه؟
قال محمد: لا انا جديد توني اول يوم ادخل هالمدرسه
و رن الجرس و راحوو الصف

رجعو محمد و زينب من المدرسه و هم فرحانين
دخلت زينب و سلمت على ابوها الي كان يقرأ الجريده كالعاده
و راحت الى امها في المطبخ اتقول ليها الي صار في المدرسه و اتعلمها عن رفيقتها الجديده فجر

لاكن محمد دخل و التعب باين عليه من كثر الركييييض في المدرسه
راح و اسبح و صل وبعدين راح في سااااااااااابع نومه.....

لاكن ختهم فطوووم الدليعه ما راحت المدرسه او الروضه لأنك كانت صغيره توه عمرها 5 سنوات

بكملها اذا عجبتكم...........:)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
~][ zoOoz ][~
إدارة المنتدى
إدارة المنتدى
avatar

انثى
عدد الرسائل : 3171
العمر : 24
البلاد : مملكة البحرين ..
العمل : طالبه ..
مزاجي : كووول على طووول ..
تاريخ التسجيل : 20/03/2008

مُساهمةموضوع: رد: حياة زينب (من اجزاء)   الإثنين 25 أغسطس - 3:00

عن جد حلوه
يلآ كمليها
ننتظر الباقي ع احر من الجمر
تسلم دياتك خيوو
مشكووره ع القصه الحلوه
تحياتي
دمت بود

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com/index.htm
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الجمعة 12 سبتمبر - 18:25

تسلمييين يا زووز
انشالله بكملها

( الجزء الثالث)
صارت الساعه 3 ضهراً
و راحت زنوووبه علشان اتقعد اخوها من النوم للغدا؛دخلت الحجره و هزته على خفيف و هي اتقول ليه ابصوتها الناعم قوم محمدوو برز الغدا يلا قوم
محمد: باقوم انقلعي عن وجهي
زينب: يلا ابسرعه بنتغدى عنك اذا ما قمت
محمد: ما يحتاج اتهدرين يلا انقلعي عن وجهي
و واصل نومه
زينب اتقول في قلبها ابخبث:اخويي احب النووم و ما بقوم ابسرعه الا اذا صارخ ابويي في وجهه
و راحت اتنادي ابوها و بعدين جا الأبو حجي علي و صرخ على محمد
و فجأه طفر محمدو من مكانه و طاح على الأرض من زود ما هو منزهق
و زينب فاطسه من الضحك على اخوها.
و بعدين طلعو كلهم من الحجره وراحو الى حجرة الطعام
و هناك فطووم الدليعه كانت تتحلطم على تاخرهم و هي جوعانه
و بعد ما اكتملو كلهم على السفره اكلو و شبعو و قامو
و زينب ضلت مع امها اتنضف معاها و اتساعدها و بعد كل هالشغل و التعب راحت و نامت و بعد ربع ساعه قعدت و حضرت دروسها
كملت كل شي و راحت طاالع التلفزيون ويه محمد و فاطمه
لاكن كانت متملله و كانت تبغي اصير عندا لابتوب
فقالت الى ابوها و وافق ابوها و اشترى ليها اللابتوب على حسب اختيارها و هي طايره من الفرح و راحت اتفوشر ابه على بنات الصف ( تعرفون بعد اتفوشر البنات ههههههه)

و ابسرعه خلصت الفصل الأول و جت العطله
و في اول اسبوع للعطله قرر محمد على ابوه انهم اروحون بيت ابوهم العود لان من زمان ما زاروهم
و في الليل الساعه 9 و نصف جهزو روحهم و راحو بيت ابوهم العود
كان في اهناك الجد (حجي حسين) و العمه (منى) و الهم (هادي)
دخلو كلهم و سلمو و كانت زينب طايره من الفرحه لأنها شافت عمها هادي( هالعم حلووو و طيب و يشبه حموود و يحب زينب اكثر من باقي بنات اخوانه فمن جدي زنوب حبته من صغرها و اتعلقت فيه واااايد كأنه اخوها و اكثر من جدي)

و في الجزئ الآتي بتنصدم زينب بالمفاجئه و بتغير حالتها النفسيه 180 درجه(للأسوء)
و ما ابغي اقول لكم وش هالمفاجئه..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الجمعة 12 سبتمبر - 18:25

(الجزء الرابع)

رجعو من بيت الجد (حجي علي) و راحيو يتعشوون
و في اليوم الثاني الصبح
كانت زينب و فاطمه يطالعون المسلسل و الأبو (حجي علي) كان قاعد يقرأ الجريده؛رن تلفونه و كان المتصل أخته (العمه منى)

حجي علي: ألو السلام عليكم
العمه: هلا اخوي و عليكم السلام؛شخبارك انشالله ابخير؟
حجي علي: الحمد لله ابخير ؛ آمري اختي؟
العمه: ما يآمر عليك عدو . بس بقب راسك
حجي علي: ليش عسى ما شر؟؟
العمه: الشر مايجيك بس اخوي هادي (الي هو عم زينب و متعلقه فيه عدل)
اتوفى.
حجي علي و هو مو امصدق الي سمعاه: ات ت ت توفى؟؟
اعمه: الله اصبرك يالله في امان الله
الأب تغيرت ألوانه و ملامح وجهه و صارت شاحبه و باين عليه الحزن و الصدمه الي ما اتوقعها في يوم من الأيام...
اتحير في أنه اخبر بيته و خصوصاً زينب لأنه يعرف بنته وايد حساسه و بتنصدم لفراق عمها فهو اصغر عمومها و كان لدللها لدرجه كبيره.
قطع سلسلة افكاره صوت بنته فطووم و هي اتناديه و اتقول ليه: ابويي ويش فيك؟؟ثاير وجهك اصفر من سكرت التلفون... وزينب كانت اطالع في ابوها الخوف باين من نضراتها من ابوها.
و أخيراً نطق الأبو وهو يقول أنا الا الله و انا لا اليه راجعون لا حول و لا قوة ألا بالله.
زينب:ليييش وش صاير؟؟ و من المتصل؟
الأبو: هاذي عمتش تقول ان عمش هادي انتقل ألى رحمة الله
زنوب دخلت حجرتها و قفلت عليها الباب و قعدت اتصيح اصيااااااااااااااح و كانت هاذي صدمه كبيره عليها و خصوصاً ان عمها ما اتجاوز الخمسه و عشرين سنه
و من زود لصياح راحت في سابع نومه و في نومها حلمت ان عمها هادي في الحجره و هي راحت ليه و سلمتعليه و سولفت معاها ... طفرت على صوت الأذان و الحلمه زاد من حزنها و تعبت نفسيتها اكثر
راحت زينب و تمسحت و صلت و بعدين طلعت من حجرتها و هي اتقول في نفسها: مغقووووله عمي هادي اتوفي مني و الطريق؟؟
اكيد في سبب خصوصاً ان عمي بعده شباب ما طاف الخمسه و عشرين...
راحت المطبخ و شافت امها و عيونها كانت ذاااابه من كثر لصياح سألتها امها:
ليش جدي عيونش؟؟
قلت زنوب: من لصياح
و سكتت مده بعدين سأل امها من غر تفكير سؤال غبي
زينب: اماه؛شلون مات عمي؟؟
الأم: استغفر الله حاله حال باقي الناس بعد جيفه اموتون و ليش زينب هالسؤال؟؟
زينب: لا ما فهمتين السؤال اني قصدي على اي سبب ماااااات يعني بس جدي مني و الطريق!؟؟؟
الأم: عمش كان مريض بالقلب و فجئه وقف عليه قلبه و اتوفى.
زينب: مريض بالقلب؟ متى؛وليش ما ادري اني؟؟
الأم: من سنتين تقريباً بس ما حبينا انقول ليش لأن ندري ان هاذا بيأثر في نفسيتش؛ و بعدين ليش كل هالأسأله؟
واجد تهدرين اليوم و الحين من بدال ما تترحمين عليه المسكين تقعدين اتحققين؟
زينب:لااا اني الحين و يش قلت؟ ألا كم سؤال و بعدين مو هو عمي و من لحمي و دمي يعني ويش فيها لو سألت عنه؟

أمها: يالله روحي يا ام السانين اقول كلمه اتردين عليي ابعشر؟صج ما تستحين
زينب: انزين بسكت كل شي ألا هدرتش عليي.
دخلت عليه فطوم و سكتو
فطوم: شحوالكم أشوفكم من دخلت سكتون تحجو له
زينب: يا عليي واجد لغويه، انتين ويش دخلش في سواليف لكبار يالله انقلعي بعدهي جاهله و اتدخل روحها.
فاطمه: أما شوفيها ويش أتقول أهئ اهئ اني جاهله
الأم اخذت زينب اتسكتها
و زينب اتقول في قلبها: امي واجد اتدلع فطامووكبرت و الى الحين اذا اتصيح اتمسح عليها و اتسكتها ما اقدر على الدلاااااااعه بيرتفع ضغطي اذا ما تحجيت ليها.
زينب: اماه ويش اتسوين؟! اتسكتينها هههههههههههه خليها اتولي تدلع عليش هاذي
الأم: سكتي لا أتصيح ازيد عورتون راسي ؛ خاطري يوم واحد اشوفكم عقال مثل باقي الأوادم
فطووم سكتت و سألت امها: أمااااه ما برز العشا؟
زينب ردت عليها؟ و انتين كله جوعانه ما اتحاتين ألا بطنش سوي ريجييييم.
فطوم: لا حبيبتي ما يحتاج رجيم اني حلو جسمي مو مثلش وش طولش و وش ضعفش مو فن
زينب اترد وهي امعصبه: يالملسونه ما اتشوفين روحش دبدوووبه بتنفجرين أذا اكلتين اكثر و بعدين اني جسمي أحلا من جسمش حرررررره وييو
الأم تسكتهم: يلا روحو انتون عطيتكم وجه واجد ؛ دخلو الصاله الحبن بيبرز العشا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الجمعة 12 سبتمبر - 18:26

(الجزء الخامس)
راحت زنووووب حجرتها اتدردش مع رفيجاتها بالابتوب
و فطوم راحت اطالع التلفزيون
بعد كم دقيقه راحت برز العشا و راحو يتعشوون. و بعدين راحت و نامت من وكت علشان تقعد من وكت للفاتحه...
في اليوم الثاني قعدت من الصبح و برزت روحها و كل شي بعد ما اتريقت
علشان اروحون الفاتحه
ركبت العائله الصغيره السياره البيضه
و كان لجو هااااااااااااااااااادئ لأن الكل كان متأثر من الصدمه
كان الأبو حجي علي حزين و طول الطريق يفكر ؛ و مثل الشي بالنسبه للأم بالرغم من أنه كان مجرد حميها و ماليها علاقه اياه واجد الا انها كانت متأثره لأنه كان شباب
و صلهم الأبو ماتم النسوان و نزلت فطامو و زنوب و الأم ..
دخلو الماتم و راحت زنوب اتسلم على عماتها الي كانو قاعدين في الزاويه
و مثل الشي الأم و فطامو..
قرو الفاتحه و خلصو فاتحة الصبح
أما العصر فجو بنات عمة زينب(زهره و مريم و أبرار )
راحو و سلمو على الجماعه و قعدت زهره صوب زينب (ثنتينهم في نفس السن و صديقات و اهل في نفس الوقت)
و بعد الفاتحه قعدو اهدرون و راحو البراده و اشتروا ليهم اكل و كاكوات و قعدو يبلعوون
و مشى الروتين جدي الين ما كسرو الفاتحه...

و في اليوم الثاني دخلت زينب المسن و اتلقت أضافه من أيميل
قبل الأضافه و كان كل ما تدخل المس ما تشوفه مفتوح
و مره من المرات كانت فاتحه الأيميل و شافت هالأيميل مفتوح
دخلت عليه
زنوب: السلام
مدريد و بس: و عليكم السلام
مدريد و بس:هلاااااا بالقمر شخبارج؟ انشالله ابخير؟
زنوب: هلا والله الحمد لله اني ابخير من انتين؟؟
مدريدي و بس:أفا ما عرفتيني؟؟
زنوب: لا ما علافتش انتي من؟
مدريدي و بس: يالحلو انا مو بنت علشان اتكلميني جدي انا ولد
زنوب: و حريييييييييييييقه . صبي؟؟ من وين لك ايميلي ياطايح الحض؟؟
مدريدي و بس: بال طلعت هاذي بعد من عجايز الديره و احنى ما ندري ههههههه عيديها حلوه منج.
زنوب: هاهاها اتصدق انك بايخ
مدريدي و بس: افاا انا بايخ؟ ما هقيتها منج ياقمر
زنوب: ويييع انزين ما قلت لي من وين لك ايميلي؟
مدريدي: قمرررر فديتج والله
زنوب:من انت و بعدين وش فيك قاعد و اتقول ليي قمر ما تستحي على وجهك يا قليل الأدب
مدريدي و بس:افاااا . ليش ما انقول لج قمر؟ انتي مو حلوه؟
زنوب: اني احلى منك جان ما تدري لو تدحن ما اتحصل نص جمالي خخخخ امزح
مدريدي و بس:ياااي شكلج وحده خفيفة دم و حليوه و عسل بعد
زنووب: هي انت احترم نفسك مو اتحسب روحك في مجمع و قاعد اتقط هالكلام و اذا عدتها بتشوف شغلك فاهم؟؟
مدريدي و بس: لا مو فاهم فهمي اكثر قلبي
زينب: ويييع. انزين شكلك ما تبي اتقول لي انت من ؟ الحين اني بطلع و بتشوووف شغلك مره ثانيه ما بتروح عني يا طايح الحض.
مدريدي و بس: وييييين طالعه؟ تعالي
زينب طلعت من المسن و هي منقهره
و في اليوم الثاني (يوم الجمعه) كانو الأهل متجمعين في بيت الجد(حجي حسين)
و كانو البنات قاعدين في حجره وحده و من ضمنهم زينب الي قاعده على الكمبيوتر(مدمنه نت الله اسلمكم)
زينب فتحت المسن و من اول ما فتحته طلع في وجها هاذاك لصبي الي متعلف ابها
و قعدت تهدر وياه و تترجاه اقول لها هو من بس ما في فايده
و طلعت و هي منقهره
سالتها زهره بنت عمتها: يووو ويش فيش زنووووب؟؟.
زنوب علمتها بالسالفه ألا ابدخلة ولد عمها أحمد
زهره من شافت أحمدوو اتدهدهت (المسكينه اتحبه بس هو ما يعطيها وجه)
احمد: السلام عليكم
البنات: و عليكم السلام
مرايم (بنت عم زينب و اخت أحمد): ويش فيش زنوووب من قمتين من الكمبيوتر انتي امبرطمه؟
زينب ردت قالت ليها سالفة لصبي الي امضايقنها
احمد سمع سالفة بنت عمه و قال ليها تعطيه الأيميل
عطته زنوب الأيميل و راح قعد على الكمبيوتر و ضاف لصبي عنده
كان هالصبي فاتح
احمد: السلام
مدريدي و بس: عليكم السلام
احمد: من انت؟
مدريدي و بس:يه.انت الي من انت انت الي ضايفني مو انا علشان تسألني؟؟
احمد:يلا قول ليي انت من
مدريدي و بس: يوووو مانا قايل لك
احمد: لا اتقول بس ليش تتعلب بالبنت؟؟
مدريدي و بس: انا ما اتعلف بابنات و بعدين اي بنت الي اتقول عنها؟؟
احمد: بنت عمي
مدريدي و بس: انا ما اعرف نات انزين.
احمد: لا و اتشلخ بعد؟
مدريدي و بس : انزين اي وحده فيهم؟؟
احمد: ليش انت متحير فيهم . اتكلم كم وحده؟
مدريدي و بس:الصراحه انا اكلم بنات واجد و بعدين ليش؟؟
احمد: انت غبي مو انا ولد عم البنت الي نكها (زنووب)
مدريدي و بس: انزين انت ولد عم البنت انت شكو؟؟ حاطيمك سكرتير عليها و لا ندري؟؟ و انا واحد حر و كيفي وش عليك؟؟
احمد: بسك اهراار انت من وين عرفت ايميلها؟؟
مريدي و بس: عرفته و بس
احمد: لا ما اصير عرفته و بس من ويص حصلته؟؟
مدريدي و بس:عرفته من اختي.هي كانت فاتحه ايميلها و انا شفته و ضفته عندي
احمد: اهااا و بعد ضفتها و اتعلفت ابها يالنذل.
مدريدي و بس: هي انت انا مو نذل فاهم؟
احمد: أوكي انا اعرفك انت وياي في المدرسه و اسم ..... ......... من الصف... ..... (عرفاه من نكه لأنه وياه في صف) و اخر مره اتكلمها لو بتشوف شي عمرك ما شفته
مدريدي و بس: وي خوفتني
أحمد: اخوفك و أخوف طوايفك .
مدريدي و بس: وأذا كلمتها وش بتسوي؟؟
أحمد: بختق جهازك و بعفسه ليك
مدريدي و بس:ما تقدر أنا رجال و ما أتهزني كلمتك
احمد : هاهاها ضحكتني . اذا انت رجال لا تطلع و بتشوف ويش بسوي
مدريدي و بس: ما بطلع. أنطرك أبي أشوف ويش بتسوي.
أحمد: أوكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
إدارة المنتدى
إدارة المنتدى
avatar

انثى
عدد الرسائل : 455
تاريخ التسجيل : 20/03/2008

مُساهمةموضوع: رد: حياة زينب (من اجزاء)   الجمعة 26 سبتمبر - 22:58

السلام عليكم ..
بدأت في قرآءة القصة وبكملها ان شااء الله ..
وآآضح انها حلووه ..
وبما إنها إبداع شخصي ..
d]تُثبت ]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com
~][ zoOoz ][~
إدارة المنتدى
إدارة المنتدى
avatar

انثى
عدد الرسائل : 3171
العمر : 24
البلاد : مملكة البحرين ..
العمل : طالبه ..
مزاجي : كووول على طووول ..
تاريخ التسجيل : 20/03/2008

مُساهمةموضوع: رد: حياة زينب (من اجزاء)   السبت 27 سبتمبر - 2:32


ياربيييييييييييييييييي القصهـ عجيبهـ يلا بسرعهـ كمليييييهاااااااا
تسلمييييييييييي مافيا خطيرهـ
وبعدين لا تتأخري في الجزء الجاي ..
يلا تحياتي لكـ يالقمر هع ..
دمت بود ..!!

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com/index.htm
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الأحد 5 أكتوبر - 14:46

شكراً حبيبتي Adminع التثبيت
زووز مشكووووووووووره ع المواصله و اخر مره أتأخر

كل يوم بنزل بارتين ورا بعض عشان ما تتمللون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الأحد 5 أكتوبر - 14:48

الجزئ السادس

قام احمد و جمع ربعه الي وياه في المسن في محادثه وحده و قعدوو يزفون في لصبي
و يطنزون و يعلقون عليه هههه
الين ما لصبي شبع و طفش و قال لهم: والله العضيم اخر مره و انا غلطان ما بكلم البنت آآآآآآآآآآسف
كانو ززينب و زهره و مرايم واقفين ابحلقون و هم فاطسين من الضحك عليه.
بعدين قام احمد من الكرسي و هو شاق البوز على عمله البطولي هههه.
احمد: ها ويش رايش زينب؟
زينب: زين سويت فيه مشكوووور و ما قصرت
احمد: هاذا واجبنا يالله مع السلامه
زينب: الله وياك
البنات كلهم: الله اسلمك
و زهره المغرمه في احمد كانت مايته من القهر و قلبها متروس حقد على زينب الي كل صبيان الديره مايتين عليها و كل النسوان يتمنونها الى اولادهم.
كان هالشي امبين من طريقة كلامها الى زينب
فكانت اتفول الى زينب: زينب ما قلت ليش؟؟ امس اني كنت رايحه مجمع السيف و كل اصبي اشوفني يلحق ورايي ما ادري ليش؟؟ يمكن اول مره اشوفون وحده حلوه و مزيووونه و قمر مثلي.
زينب كانت عارفه وش القصد من كل هالكلام : يوووو عجل رقمووش؟
زهره: اي و عندي ارقامهم بعد
زينب و هي تبي تقهر زهره: ويي و اتاخذين ارقامهم بعد؟
اني اذا اروح مجمع السيف او مجمع من هالمجمعات و يلحقوني ما اعطيهم وجه
حتى اذا يفلتون عليي الرقم ما اخذه تدرين ليش؟؟
لأن اني وحده محترمه و مو راعية هالسوالف اني بنت آل ........ فمن جدي ما ابس اشوه سمعة عائلتي
ابي ارفع راسهم فوووووق مو انزلهم تحت
زهره: :angry:اوووه وش هالكلااام . ما عندش سالفه
الحين الناس اطورو و قامو ارقمون و غيره و انتين بعدش على هالأشياء؟
صج متخلفين
زينب: يه. الحين احنى المحترمين صرنا متخلفيين. وييي خلينا العقل ليكم يا اصحاب الترقيم سكتي و الي اسلمش ما ابي اسمع شي من هبالتش
زهره: :crazy:افاااا حبيبتي اني امزح معاج(من الفشيله قالتها ههه)
زينب: ههههه لا عادي اني بعد امزح
و بعد اشوي
راحو و اتغدو
بعدين راحو البراده يشترون ليهم اكل و في اهناك شافت زينب ولد عمها احمد و هو ابتسم ليها
استحت الخجوله و اشترت ابسرعه و طلعت
حتى ما حارست زهره
يوم وصلت زهره سألت زينب: ويش فيش ما حارستيني؟
زينب: هااا . لا ولا شي
زهره : يوووو ألا اخدودش حمران ويش فيش؟
زينب:لان من الحر واجد حر له يلا سكتي يا ام الأسأله
اخس من تحقيق
زهره : انزين بنطم
و قعدو ياكلون في البلع الي اشتروه..
مرت الأسابيع و هم على هالحاله في كل يوم جمعه يتجمعون و زينب و احمد اشوفون بعض

و جت ليلة العوده للمدارس ههههه الكابوووس..
في ليلة المدرسه:
زينب: اللاااااااااااي بكره مدرسه بروح و بشوف البنات و بشوف رفيجتي و الربع و بروووح اسلم على معلمة الرياضيات (هي عبقرينو في الرياضيات فمن جدي اتحب لرياضيات و لمدرسه)
محمدو و في صوته النووووم: اوووه يلا روحي انخمدي الحين انا حزبان من المدرسه و انتين اتقولين : اللااااي مدرسه(قالها و هو اعيب على صوت البنات ههه)
زينب: اسكت انت ما تفهم. اصلاص اني مو على المدرسه مستانسه اني مستانسه على بنات الصف الي ما شفتهم من زماااان وا نت كل يوم اتشوف ربعك و اتهاجل وياهم في الفريج عكسي اني المسكينه.
حموود: بااال واجد تهدرسن انتين يلا روحي نامي له
زنوب: اني اصلاً بروح انام لا تطردني . قامت و هي اتقول : تصبحون لى خير
حموود: تصبحين على كوابيس المدرسه هههههه
و راح نام
زنوووب دخلت الحجره و سكرت الباب
سمعت صوت شخير فطوووم
زينب: اوهوووو هادي واجد اتشاخر ما بتخليني انام
و بعدين راحت في ساااابع نوووم ولا همها لا صوت شخير فطوم ولا شي ههههههههه
(تـــــــمت الحلقه)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الأحد 5 أكتوبر - 14:51

(الجزء السابع)
في اليوم الثاني قعدو و برزو روحهم
رحات زنووب الباص مال المدرسه...

ركبت الباص ألا في وجها رفيجتها فجر...
زينب: فجر شخبااااااااااارش؟؟ من زمان ما شفتش.
فجر: هلا زنوب الحمد لله ابخير انتين شخبارش؟
زينب: اني تمام . و لا فيش خير حتى تتصلين ليي في العطله؟؟
فجر: اني لو انتين الي ما تتصلين؟
زينب: وييي لا اتخلينها عليي. و بعدين اني كل يووم افتح المسن و لا اشوفش قاعده
و بعد كله ارسل ليش رسايل و غيره و انتني ما تقعدين يالخايبه...
فجر: اي صار الكمبيوووتر خراب في البدايه .. و بعدين رحنه ايران
زينب: يووو رحتون ايران و اني اخر من يعلم؟؟ هاا استانستون انهاك؟؟
فجر: اييي اكيد استانسنه .. اهناك العجم حليوين اهبلوووون . و شفت وحده تشبهش حسبتها انتين
زينب: يو خساره جان صورتينها هههه امزح وياش
فجر: هههههههههه
فجر: اتعلمت كم كلمه عجميه بعد . جتوووووووري؟؟
زينب: خيلي خوبي . تو جتوره؟؟
فجر: يوووو وش عرفش؟؟
زينب: يو ما قلت ليش؟ ابويي عجمي.
فجر: اها ينعرف عليش من شكلش يالعجميه . ادري حليوه طالعه على رفيقتش فجوور.
زينب: ههههه اي له . ايران خيلي خشنكي.
فجر: يعني ويش خيلي خشنكي؟؟
زينب: يعني وايد حلوه.
فجر: ههههههه اي ايران خيلي خشنكي
و قعدووو يهدرون لين ما وصلو المدرسه
راحو و قعدو عند المعلمه >>>>هاذا مكان الشطار ههههههههه
جت ليهم معلمه الرياضيات في الحصه الثانيه
المعلمه: السلام عليكم.
البنات: وعليكم السلام و رحمة................
زينب راحت الى المعلمه: معلمه شحوااااااااالش فجيتين عليي
المعلمه: هههههه زينة النتين شخبارش زينب؟
زينب: اني زينه
و قعدت تهدر ويه المعلمه
و بعدين راحت الى رفيقتها
فجر: و انتين ما قلتين ليي وش صار ليش في العطله؟؟
زينب : ما كانت العطلهة في البدايه حليوه واجد
فجر: افاااا ليش؟؟
زينب : عمي اتوفه له
فجره: يوووو صدق؟ انزين ليش ما خبرتيني؟
زينب: اتصل ليش و محد يشيله
فجر: ايي احنى كنا امسافرين في ثاني اسبوع له
و قعدو يسولفون..

انجي الى حموود...
محمد اول ما ركب الباص: هاااااااااي شخباركم ياى شعب؟؟
لصبيان(الشعب على قولته) احيوون فيه
الي اقول هلا حمود و الي اقول حياك و الي اقول تعال اقعد اهني...
محمدوو لاشيطان راح يتعلف ويه راعي الباص هو متعود عليه من اللعام
يعدين قعد في اخر كرسي في الزاويه
بعدين وصلو المدرسه..
عند البياب شاف رفيقه جعفر علي الي متعرف عليه م اللعام
راح و سلم و هاجلو في المدرسه اشوي...
يعد ما طق الجرس قعدو مكانهم اسولفوون:-
محمد: هاا يا ابو الشباب ما سجلت في لنادي؟؟
جعفر: اتصدق نسيت ما اسجل بس اكيد بسجل للكوره
محمد: اي علشان انصير اثنينا في فريق له
جعفر: اي
محمد: ألا اقول
جعفر: قول
محمد:مو كانك اقصرت اشوي؟؟
جعفر: هههه انا اسمع الناس يطولون مو يقصرووون. و بعدين انا قصير و متعقد فرجاءً لا اتحبطني و اتقول ليي قصير.
محمد: ههههه امزح وياك يالقصمول
و قعدو يهدرووون....
رجع محمد و زنوووب البيت و كانو مستانسين ..
اتغدوو و صلبو و بعدين احت زينب في سااابع نوم و حلمت بعد و في حلمتها ان:
هي و احمد في الحلمه كانو اصغار و كانت هي رايحه بيت ابوها حجي حسين
و اهناك شافت ولد عمها احمد في الحوش يلعب و راحت تلعب وياه و كانو في الحلمه اصغار:
طفرت من نومها و هي تضحك و اتذكرت ايام اول و كانت تلعب في الحوش هي و احمدووو و زهرة و أزهار..
و هي كانت سرحانه ألا ماها جايه ليها..
الأم : زينبوووووو يلا قومي سوي واجباتش له..
زينب: امااااه اليوم اول يوووم يعني ما يدرسونه و لا يعطونا واجبات و لا شي .
الأم: انزين فم\ومي ساعديني من بدال هالقعده يالخايبه.
زينب: افف انزين الحين بقوم ما يسوى علينا هالقعده .. لو اني نايمه احسن ليي
يعني ما يصير نرتاح اشوي في هالبيت؟؟ والله حاله.
الأم: يوووو و تتحلطم بعد يلا روحي رتبي المكان.
زينب قامت و هي امبوزه و راحت اترتب في الصاله و لحجر
خلصت و قعدت على اللابتوب..
فتحت ايميلها و راحت تتصفح في المنتديات لأن ما كان احد موجود في المسن
كانت متملله ألا بشوي دخلت عندها بنت عمها مرايم (اخت أحمد)
مرايم: هلاااا بنت عمي شخبارش؟
زينب: هلا بيش يالغاليه اني تمام و انتين شخبارش؟؟
مرايم: الحمد لله نسأل نش، يالكريهة فجيتين عليي من زامن ما شفتش.
زينب: يا عليي انتين تو هالخميسيه شايفتني.
مرايم: بس بعد من زمان ما شفتش هههه
زينب: هراره ههههه
مرايم: طالعه عليش، ألا شخبارش اليوم في المدرسه؟؟
زينب: عجييييب ، لأان شفت رفيجتي فجر.
مرايم:و من هالفجر بعد؟؟
مرايم: هاذي رفيجي متعرفه عليها من اللعام.
مرايم: اهاااا
زنوب: و انتين ويش سويتين اليوم في المدرسه.؟
مرايم: ما رحت المدرسه ولا شي.
زينب: لييش؟
مرايم: اليوم اول يوم يعني ما بدرسونه ، و الكتب باجر باخذهم يعني مافي مشكله.
زنوب: يا علي حدش خايبه.
مرايم : ايي خايبه اني هههه
زينب: اللااااي هاذي اخر سنه في الأبتدائي و بنفتك.
مرايم: ايي بعدين بتروحين الأعدادي.
زنوب: اي مو انتني بتقعدين في هالمدرسه.حرررره
مرايم: هههه عادي و ليش احتر. بس السنه و السنه الجايه و بفتك.
زينب: اي
مر حسن من مرايم و شافها تتكلم ويه زينب
حسن: احم احم
مرايم: اففف نعم؟؟
احمد : ولا شي ، هاذي من الي اتكلمينها(يدري انها زينب بس يستهبل)
مرايم:هاذي وحده من بنات اعمومك.
احمد: اي بس من فيهم؟؟
مرايم: زينب لويش تسأل؟؟
احمد: ولا شي بس سلمي عليها.
مرايم: يووو مو من عادتك اتقول ليي اسلم على وحده من بنات اعمومي . وش معني\ى زنووب؟؟
احمد: هاذي غير عنهم.
و راح احمد عن اخته و في وجها علامة استفهام (باللغه العربيه علامة فضول ههه)

رجعت مرايم الى زينب: اتأخرت عليش له
زنوب : لا عادي
مرايم : اسلم عليش
زينب: من؟؟
مرايم: و من بعد غير ه. احمدووو
زنوب: الله اسلمه و يحفضه و اخليه لينا
مرايم: وي عشتو ، ليش كل هاذا ؟
زنوب: يو وش فيها؟؟ مو ولد عمي؟ عيب لو حرام يعني
مرايم: لا اني ما قلت ليش شي بس مستغربه

زينب : لاا تستغربين ههههه يالا باااي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
إدارة المنتدى
إدارة المنتدى
avatar

انثى
عدد الرسائل : 455
تاريخ التسجيل : 20/03/2008

مُساهمةموضوع: رد: حياة زينب (من اجزاء)   الإثنين 6 أكتوبر - 0:19

مررحباا ..

من المتابعين للقصة ..

بارت حلو كتيير ..

في الانتظآر ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com
~][ zoOoz ][~
إدارة المنتدى
إدارة المنتدى
avatar

انثى
عدد الرسائل : 3171
العمر : 24
البلاد : مملكة البحرين ..
العمل : طالبه ..
مزاجي : كووول على طووول ..
تاريخ التسجيل : 20/03/2008

مُساهمةموضوع: رد: حياة زينب (من اجزاء)   الإثنين 6 أكتوبر - 18:35

تسلميييي مافيه خطيرهـ
يلا انا انتظر بشغف
يلا كملي بسرعه
تحيااااتي لك
دمت بود غاليتي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com/index.htm
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الخميس 9 أكتوبر - 13:15

الجز الثاااااااامن..
مر الأسبوع الين ما جى يوم الجمعه و هو اليوم الي يتجمعون فيه في بيت حجي حسيين..
لكن زينب ما راحت لأن انكسر ايدها في الرياااضه..
كان حسن متكشخ و عافس روحه و قاص شعره على الموضه و كان وسيييم و حليو (كل هاذا علشان زنوب ههه)
كان ينطرها علشان اتجي .. و يوم جو بيت حجي علي ما شاف لا زنووب و لا أمها
احمد سلم على عمه و حموود و قعد يتحجج ابفطووم.. بعدين سألها :-
: وين أمش؟؟( يمبي يسأل عن زينب بس مو عارف)
فطووم: امي ما جت لأن في المستشفى و ياها زينب.
احمد : ليش؟؟
فطووم: لأان زينب طاحت في الرياضه و انكسرت ايدها
نزل هالخبر على أحمد مثل الجبل على ضهر.. كان خايف على زينب و تضجر عليها .. حتا ما تغدى عدل و لا يتكلم ويا الموجودين..
زهرة شافت حال احمد و ما تدري من ويش .. راحت تسأل مرايم
زهرة: مرايم، وش فيه أخوش متغير اليوم؟؟ مو على بعضه..
مرايم: ما فيه شي ، أصلاً اني بعد ما ادري وش فيه . يمكن على سالفة زينب.
زهرة: انزين ويش فيها اذا زينب انكسرت ايدها .. عادي..
مرايم: لا مو عادي، اني عندي مو عادي. زنوب ما تستاهل .. و بعدين انتين شوفي المكان اشلون بدونها مو حليو .. و انتين ما تعرفين احساس الخوي (اسمع الفيلسوفه وش أتقول)
زهر: انزين وش أحساس اخوش يا حضي؟؟
مرايم: شكله احب زنووب و خايف عليها . انتين شوفي اشلون وجهه صاير اصفر
:angry:زهرة سكتت يوم اتوضح لها كل شييييييي
و زادت غيرتها على بنت عمها .. و صارت تكرها .. لدرجه أن اذا يتككلمون عن زينب في شي اتقوم و تقلب الموضوع عليها ( حركات جهااال )
و كانت كله توهم روحها ان احمد يحبها و ما يحب زينب مع كل اليعرفته عنه..

مر يوم الجمعه و كان احمد يبي يعرف اخر اخبار زنوووب فراح الى مرااايم يبيها تفتح ايميلها و اتكلمه..
احمد: مرايم حبيبتي..
مرايم: دري انت الحين قاعد تتحايل .. آمر وش تبي؟؟
أحمد و هو مو عارف وش أقول: ليش ما تفتحين اميلش؟؟ يلا فتحيه .. عفيه
مرايم : ليييش؟؟؟؟
احمد:conf:: ولا شي بس أمباش اتكلمين زينب عـ عـ علشاااان
مرايم: يووو وش فيك مو عارف اتقول كلمتين على بعض .. تحجى و خلصني
احمد: اييي عرفت ، علشااان تسألينها أذا حمووود أخووها بيجي وياي المباراة يوم الخميس لو لاا.....
مرايم: انزين اكو عندك التلفون رووح اتصل ليه
احمد: لاا ما عندي وقت .. يلا قومي كلمي زينب له..
مراايم: بنقوم و امرنا لله
قامت مرايم و فتحت ايميلها .. كانت زنوووب فاتحه..
مرايم : هلا زنوووب شخبااارش ؟؟
زنووب: هلا بيش اني تمام و انتي شخبارش؟
مرايم: اني تمام اسأل عنش.. ألا اسمع اقولون ايدش متكسره من هالرياضه؟؟
زنووب : ايي بس ألحين اشوه من قبل
مرايم: سلاما ما اتشوفين شر.. ألا بسألش
زنووب: سألي..
مرايم: احمد اقول ليش .. بيروح اخوش حمووود المباراة يوم الخميس لو لا..
زنووب: اني ما ادري .. لحضه بروح أسأله
راحت زنووب الى اخوها محمدووو و كان حاط الأغاني على حدهل
زنووب: محمد وش اتسوي؟؟
حموود: الي اتشوفينه.. قاعد اسمع أغاني
زنووب: انزين ليش على حدها؟؟
حموود: كيفي .. مزاااااااااااج
زنووب: انزين يلا قوم و قصر عليه لا اكسر المسجل على راسك
حموود: اففف.. انشالله بنقوم انقصره .. بعد اخر زمن انتين تتحكمين فيي اناا .. مالت على حضي ... وش هالخت البلوه
و قام و قصر علييه
زنووب: لا و تتحلطم بعد
حموود: امزح وياااش لا قولي وش تبين و فكينا..
زنووب: ما نبي منك شي بس أحمد ولد عمي يسألك اذا بتروح يوم الخميس وياه المباراه لو لاا..
حموود وهو متشقق من الوناسه: اي اكييييد بروح ما يبي لها كلام
راحت زنووب عن أخوها .. و قام و شال شريط الأغاني و حط ليه عزا (عنده تقلبات جويه مره عزا و مره أغاني)
رجعت زنووب الى مرايم
زنووب: اي بروووح
مرايم: اهااا .. اوكي يلا باي انشوفش على خير
زنووب : باااي اتحملي ابروحش
مرايم: انتي بعد تحملي ابروحش موو اتكسرين روحش ابهالرياضه ما عندنا غيرش هههه
زنووب: هههه انشالله عمتي
مرايم : ههههه
و طلعو من المسن
كان حمد واقف على راس اخته و يقرأ كل كلمه كتبتها ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الخميس 9 أكتوبر - 13:16

الجزء التاسع...
مر الأسبووع و جى يوووم الجمعه..
كان أحمدوو اول الحضور (مستعجل ههههههه)
يوم دخلت زنوووب و سلمت علهم..
أول وحده سلمت عليها أزهار لأنها كانت قاعده عند الباب ..
قامت أزهار و باستها و قالت ليها الحمد لله على السلااامه و ما اتشوفين شر
زينب: الشر مايجيش
أزهار قالت الى زينب ابصووت نازل : روحي شوفي اخويي أحمد حالته حاله .. يبي يشوفش .. لحقي عليه قبل لا اتجيه سقطه قلبيه هههههه .. بعدين اذا مات بقول من زينبوو
زينب: فال الله ولا فالش . يلا سكتي يالحماره
راحت أتسلم على الباقي و وصلت له
زنوب ما صافحته لأنه ما يصير به
زينب: شخبارك أحمد؟
أحمد: الحمد لله تمام ، انتين شخبارش؟
زينب: الحمد لله أبخير
أحمد : سلامات ما اتشوفين شر
زينب: الشر ما يجيك
و راح اتسلم على باقي الجماعه
بعدين نادتها ازهار علشان تقعد صوبها..
راحت و قعدت صوبها
كانت قاعده صوب أزهار زهرة .. من قعدت زينب زهرة قامت
زينب: وش فيها زهرة من قعدت هي قامت؟؟
زينب: ما أدري وش فيها
زينب: هالأيام واجد متغيره عليي حتى في المسن ما أتكلمني مثل قبل..
أزهر : ما علينا ألا قولي ليي وش أمسويه في المدرسه؟؟
زينب: كل شي أوكي
و قعدو اسولفون...
في اليوم الثاني ( كان يوم السبت يعني يوم أجازه )
اتصلت فجر ألى زنوووب
فجر و هي أمغيره صوتها علشان ما تعرفها زنووب: السلااام عليكم
زنووب: أهلاً و عليكم السلام
فجر: شخبار؟
زنووب: الحمد لله من معاي؟
فجر: أفااا ما عرفتيني؟؟
زنووب : لا ما عرفتش
فجر: اني رفيقتش ، الي كله تنسينها و ما تنساش. الي أول وحده عرفتينها في المدرسه هي . ما عرفتيني يالخاينه؟؟
زينب: اييي عرفتش . انتين فجر له؟؟
فجر : اي اني فجر
زينب: اني خاينه ؟؟ و بعدين من متى اني نسيتش؟؟
فجر: اي نسيتيني في هاليومين، حتى ما تتصلين ليي لو ما اتصل ليش ما أسمع هالصوت..
زينب: اني اصلاً كنت بتصل ليش .. بس ما صار وقت . لأن يوم الجمعه اني كنت في بيت أبويي العود و اليوم انتين سبقتيني..
فجر: انزين ما علينا .معزوومه يوم الثلاثه و تعالي اوكي؟؟
زينب: أبأي مناسبه؟؟
فجر: ولا شي . بس قعده هههه
زينب : بس ما أدري أجي لو لا . مو متأكده
فجر: لا بتجين و غصباً عنش .. تدلع بعد
زينب: انزين اني ما أدلي بيتكم
فجر : بيتنا لونه وردي الي في فريق....... في اللفه الي صوب برادة الأجيال الي فيه نخيل واااجد
زينب: اها . اوكي بنجي علشانش . حكم القوي على الضعيف .. و علشان ما اتقولين ليي خاينه..
فجر: هههههههه .. اوكي يلا باي زنووب سي يووووووووو سوووووون
زينب: سييييي يووووو ليتر

و جى يوم الثلثاء راحت زنوووب الى بيت فجر و في أهناك شافت باقي البنات و هم:
بتوول الي يسموونها بنت الموسوي
هدى الي يسمونها أم التووت (اتحب التووت الله يسلمكم)
و جنان الي يسومنها صبـيـــووو لأنها تحب الكوره و هالأشياء (المسكينه عاشيه كله ويا صبيان فأنتقلت ليها العدوه)
دخلت زينب عليهم: السلاااااام عليكم . شخباركم؟؟
الباقي: هلااا زنوووب ،، تمام ،، حيااج اهني قعدي ،، ....... الخ
راحت زينب و قعدت صوب الشله .
قعدو اسولفون عن المدرسه و غيره و عن يوم الخميس و الجرايم الي سووها فيه
بنت الموسوي: اني يووم الخميس كنت متملله فرحت الى الكمبيووتر و قعدت انزل برامج وااااااااجد و شير عليي الكمبيووتر.. دخل أخويي و شاف الي سويته .. زين ما تلوح ابي
ام التووت: هههههه انتين كله تجارب في هالكمبيوتر و بس .. خليه في حاله المسكين متعذب منش.. لو اني مكانه أفكر أنتحر.
زينب: اي ، لو ينتحر أرحم ليه من جرايم بنت الموسوي.
الكل : هههههههههههه
صــبــيوووو: اني في هالأجازه ما سويت شي .. صرت امأدبه .. بس انكسر الليت من الكوره
فجر: كسرتين الليت و أتقولين ما سويتين شي .. اجرام على نذاله
أم التووت :أني كل يوم جمعه أروح بيت ابويي العود ..عجيييب اهناك
زنووب: أني بعد
أم التووت: قلاده زنووب
زينب: ههههه ليش ؟ يعني ممنوع التقلي؟
ام التوت: اي بعد وش انسوي ، حلال عليش.
فجر: أتصدقوون اني من زمان ما ارووح بيت أبويي العوود .. البيت أروحون بس أني ما اروووح وياهم .. أقعد أراجع.
زينب: ويي ما نقدر عليش ، الحين الي يسمعش أقول اعيونش متقلعه من كثر هالمراجعه.
بنت الموسوي:هههههههههه . اني وحده زين مني اذا كتبت واجباتي . لكن المراجعه على المزاج.
صبــيــو : اي دام المراجعه على المزااج . يعني مافي مراجعه ههه
ام التوت : اي والله ، الله يستر على يوم الشهادات.
و قعدو يهدروون لين ما شبعو..
و بعدين أشوي أشوي راحو أبيوتهم..
ضلو في الأخير اصــبــيوم و زنووب
طق الباب أخو فجر (حسين)
راحت اليه فجر
فجر: نعم؟
حسين: يمبوون وحده اسمها زينب، جايين ليها
فجر: اها
و مشى حسن
زينب: يلا اني بمش : مع السلاامه . انشوفكم على خير.
فجر: ما شبعنا منش .ع العمووم حياش الله
زينب: انشوفكم على خير
صـبـيو : الله وياش .. تحملي ابروحش
و راحت زينب بيتهم..
مر الفصل أبسرعه و جت الأمتحانات :
زينب قاعده على السرير و اتراجع الى مادرة الأجتماعيات . و هي متحمسه لأن آخر يووم و بعدين بتفتك ..
راحت المدرسه من الصبببببح علشان اتقدم الأمتحان..
حملت كيمرا علشان اتصور المدرسه لأن هاذي اخر سنه ليها..
في اهناك كانو الشله كل وحده منهم حامله الكامره ..
اصـبـيـووو:يلا اني ابي اصوركم .. ابتسمو اشوي .. و صورتهم
جت زنوووب: وقفوووو وقفووو اني بعد ابي أصوركم .. و صورتهم.
فجر: اني بعد اني بعد .. وصورتهم
بنت الموسوي: لا تتباعدوون يلا كشخو روحكم .. و صورتهم
توهم بيتحركوون من مكانهم ألا ام التووت اتصارخ: stoooooop ،stoooooooop بصوركم ون ، تو ن اثري ، أكشن ، و صورتهم (ام التوت امشدخه أشوي)
و بعد ما خلصو تصوير بعضم بعض راحو اسورون صفهم و اماكن من المدرسه..
زينب: حشى حشى ،حدنا اهنووود
صـبـيـو: هههههههههههه ليش؟
أم التووت: لان لهنوود احبوون أصورون.
بنت الموسوي: لا مو لهالدرجه.
فجر: الحين الي يشوفكم و انتون اتصورون أقول . كلش أتحبووون مدرستكم
زينب: ههههههههههه و العكس صحيح . احنى مو امصدقين نفتك منها
بنت الموسوي: اي والله
أم التووت: يووو نسيييت ما أصور شجرة الحياة
صـبـيو: أي شجره تقصدين؟
زنوب: اكيد شجرة التووت
ام التوت: اي شجرة التوت
و راحت أتصور الشجره
بعد التصوير راحو امتحنو و خلصوو و كل وحده اتودع الثانيه و راحو ابيوتهم...

.. انتضرو البارت الجاي
و مشكورين ع التواصل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
~][ zoOoz ][~
إدارة المنتدى
إدارة المنتدى
avatar

انثى
عدد الرسائل : 3171
العمر : 24
البلاد : مملكة البحرين ..
العمل : طالبه ..
مزاجي : كووول على طووول ..
تاريخ التسجيل : 20/03/2008

مُساهمةموضوع: رد: حياة زينب (من اجزاء)   الخميس 9 أكتوبر - 19:30

تسلمي خطووووووووور
يلا انا انتظر على احر من الجمر
تحياتي لك
دمت بود

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com/index.htm
Admin
إدارة المنتدى
إدارة المنتدى
avatar

انثى
عدد الرسائل : 455
تاريخ التسجيل : 20/03/2008

مُساهمةموضوع: رد: حياة زينب (من اجزاء)   الجمعة 10 أكتوبر - 8:01

بارت جميل جداًُ ..
من المنتظرين ..

بالتووفييق

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   السبت 11 أكتوبر - 15:16

تسلموون ع المتابعه .. تعجبووني لأنكم اتتابعوني أول بأول ..
وااصلووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   السبت 11 أكتوبر - 15:17

الجزء العاشر..
زينب من أول ما وصلت فلتت اغراضها و راحت تفتح اللابتوب..
دخلت عليها مرايم:
مرايم: هااااااااي
زنوب: و عليكم الهااااااااي
مراييم: شخبارش؟؟
زنووب: طايره من الفرحه
مرايم : دوووب ، بس ليش؟؟
زنووب: ملقوفه حدش..
مرايم: ليش؟؟
زنووب: و لا شي بس لأن اليوم آخر يووم في الدرسه ، يعني اكيد بكون مستانسه.. حدش غبيه
مرايم: هههه يعني اني غبيه ؟؟ خلا زعلت ، بمشي..
زينب: لااااا ، امزح وياش .. يلا انرزي مكانش.
مرايم: خخخخ ، الا بقول ليش .. ما بتسافروون في هالعطله؟!
زينب: ما عندي خبر .. بس انشالله انسافر
مرايم: ايي انشالله اتسافروون ويانا
زنووب: بتسافروون؟؟
مرايم: ايي بنروح سوريا..
زنوب: اللااي
زنووب: تذكرين يوم انسافر العراق؟؟
مرايم: ما أذكر شي أحنا كنا اصغاار .. اني توني ما رحت المدرسه..
زينب: اييي كان أول سنه ليي في المدرسه ، و انتين في الروضه .. بس شي واحد..
مرايم: ويش هو؟؟
زنووب: يوم أضيع اني و أخوش..
مرايم : متى؟!
زنووب: ما تذكرين يوم الي احمدوووو المجرم كان عنده ديناار و قال ليي أمشي انروح البرااده و رحت و ضعنا ؟!
مرايم: اي اذكر هههه و بعدين حصلوكم عند بياع الحلاوه .. تذكرين هالبياع؟؟
زينب: اي اذكره .. كان كله انروح نشتري من عنده و يعطينا حلاوه مجان. هههه لأن كنه عنده زباين
مرايم: هههه اي كنا كل يووم انروح نشتري من عنده
زنوب : اي
و قعدوو اسولفوون .. بعدين راحت زنووب و سألت امها عن السفر
زنووب: أماااه . ما بنسافر؟؟
الأم : ايي انشالله بنروح سوريا
زنووب: اللاااااااااي
حموود : ما أبي اروح سوريا .. ابي ارووح العراق
زنووب: روح انت ابرووحك علشان يدبحونك
حمود: هههههه اي علشان امووت شهيد
قرر بيت حجي علي و بيت حجي يوسف >>>>ألا هوو ابو أحمد و راايم
انهم اروحون سوريا مع بعض في نفس الحمله في يوم الخميس..
زنووب كانت متشققه من الفرحه
راحت و اتصلت الى فجر..
زنووب: الووو السلااام عليكم
فجر: وعليكم السلام
زنووب: باركي ليي فجر
فجر: بتعرسين؟؟
زنووب : هههههه لا ما بعرس .. بروح سوريا في حمله ×××××
فجر: احنى بعد بنرووح و في نفس الحمله بعد..
زنووب: اللاااااي يعني بتصيرون ويانا في نفس الحمله
فجر: ايوه
زنووب: اوكي يلا باي
فجر: ويين .. ما شبعنا منش؟؟
زنووب: بتصل الى باقي الشله

اتصلت الى بنت الموسوي:
زنووب: الووو هلا بنت الموسوي
بنت الموسوي: هلا بيش
زنووب: بسافر
بنت الموسوي: صدق ؟؟ وين بتروحون .. باريز لو ماليزيا
زنوب: لا هاذي ولا ديك بروح سوريا
بنت الموسوي: اوووه زين ... دعواتش لينا عاد
زنووب: انشالله من عيوني هذي قبل هذي
بنت الموسوي: تسلم لي عيونش..
زنووب: اوكي يلا باي عمري
بنت الموسوي: بااي ولا تنسينا عاد
زنووب: أفاا عليش بس .. كله بذكرش ولا بنساش
و سكرت
اتصلت الى صبـيو
زنووب: هلوووووووووو
صـبيو: هلا زنووووووووب شخبارش؟؟
زنوووب: هلا بيش تماااام وحشتييني
صبيوو: و اني بعد وحشتيني
زنووب: انزين اني بروح سوريا
صبيو: اووه زين اني بعد برووح ايران ..بس ابيش تتصلين ليي..
زنووب: ولا يهمش خلف جبدي .. اكيد بتصل ليش.. يلا بااااااي
صبيو: بااااااااااااااااااااااااي

و اخر وحده اتصلت ليها هي ام التووت...
زنووب: الوووووووووووو
ام التوت : الوين و اهلين و سهلين بالحلوي ههههه
زنووب: هههههه حيى الله ام التووت
ام التوت : الله احييش..
زنووب: وش لحوال؟
ام التوت: كل شي تمام بس فجيتون عليي
زنووب: ههههه ـ انزين برووح سووووووريا
أم التوت: صدق؟
زنووب: ايي
أم التوت: عاد احملي اللابتوب علشان اكلمش في المسن
زنووب: انشالله .. انتين تامرين امر .. اوكي يلا باي
أم التوت: باااي
و سكرت التلفوون
راحت زنووب اتبرز شنطتها لأن بكره السفر و ما نست اللابتوب و نقالها علشان تتكلم ويا ربعها ..

اليوم الثاني كانوو العائلتين (عائله حجي علي و حجي يوسف) متجمعين علشان اروحون البااص ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   السبت 11 أكتوبر - 15:18

الجزء الحادي عشر..
راحو الباصات و اهناك زبنوب شافت ريقتها فجر و اخوها حسين
سلمت على فجر و عرفتها ابمرايم

كانو لصبيان (أحمد و محمد و حسين )
و البنات (زينب و مرايم و فجر)
يستحون أكلمون بعض
لكن بعدين صار الوضع عادي .. يعني افري

اول ما وصلو الفندق قالو البنات يبون حجره ثلاثتهم فيها
و بعد ما وافق المقاول حصلو ليهم حجره .. لكن بالصدفه صارت امقابله لحجره لصبيان

حجرة البنات:
أول ما وصلو زينب فلتت أغراضها و راحت في سابع نوم
و ازهارر و فجر قعدو يسوولفون و من سالفه لسالفه لين ما نامو

في حجرة لصبيان :
كل واحد منهم راح و غسل وجهه أبماي علشان ما انامون
و قعدو يلعبون ابليستيشن (كوره)
و صارت حالتهم حاله
الي بيصيح لأنه خسر .. و الي اشجع هاذاك .. و الي يبي يلعب بس مو عاطينه جانس..

بعد صلاة المغرب ..
راحو لصبيان علشان يتسبحو و مثل الشي البنات

بعد العشا:
كانو نازلين من الدرج و كل وحده و كعبها يطقطق
و لصبيان نزلو من اللفت
طلعو من اللفت و شافو البنات و الكعب
احمدو : آآآآآآآآآآخ راسي .. وش هالصورت .. عسى عالكعب الكسر
محمد: آآآآآآآآمييييييييييين
كان احمدو حامل ليه اقلاص علشان اروح يشرب ماي و انكسر
زينب: هههههههههههههه .. علشان ما اتدعي و اتقول عساه الكسر .. اكو لقلاص انكسر
الكل: ههههههههه
حسين: وين رايحين؟
أزهار: ما بنروح مكان بس بنداور .. نبي انشوف الفندق
حسين: لا اتضيعون
فجر: لا الفندق ما اضَيٌع بس أدور الراس
زينب: و انتون وين بتروحون؟
محمد: ملقوووووفه
أزهار: يعني ما بتقولون وين بتروحون؟
احمد : لا
زينب: أصلاً ندري وين بتروون
أحمد:وينه؟
زينب: تلعبون كوره له
أحمد: ويش دراش؟
حسين: شافت الكوره الي عندي له
زينب: ايي
راحوز يلعبون كوره..
و البنات اداورون

أهناك السيكورتي السوري شاف البنات كل حين مايطوفون من عليه ..
السيكورتي: شوو بدكم صبايا؟
زينب: نتمشى
السيكورتي:ما بتتعبو؟
زينب: لا ما نتعب.. اذا تعبنا بنروح الحجره
البواب : ابكيفكم
ازهار: امشي زنوب ما عليش منه
فجر: أزهار امشي الحين بتجي
زينب: هيييييي حارسوني

و بعد لدواره خمس دقايق تعبو و راحو الحجره و نامو
في اليوم الثاني الصبح : فتحت زينب أيميلها و قعدت أتكلم اصبـــيو
زنوب: هلااااااااااا اصبــيو شخبارش؟
اصبي: هلا بيش .. تمما و انتي شخبارش؟
زنووب: اني تمام
فجر: شخباركم ويا السفر؟؟
زينب: حليو السفر .. و الحمله احليوه .. و الي فيها أحليوين و فله
اصبيو: اي اسمع اقولون فجر بعد وياش في نفس الحمله..
زينب: اي ويايي في نفس الحمله و في نفس الحجره بعد ..
اصبيو : اهااا .. سلمي عليها واجد واجد واجد
زينب: يوووووووووووووووصل
أصبيو: ما رحتين الضريح؟؟
زينب: لا ما رحت لا الضريح ولا شي
اصبيو : يوووو ليش؟
زينب: لأن تونا امس واصلين و العصر كله نوووم و الليل اندور في الفندق
أصبيو : اهااااااا
زينب: انشالله اليوم العصر بنروح و بدعي ليش بعد
اصبيو: اي و نعم الرفيقه .. الحين اني احبش
زنوب: اي للمصلحه هههههه
أصبيو : هههههههه
زينب: انشالله السنه الجايه انتين اتصيرين ويانا و ام التوت و بنت الموسوي بعد
اصبيو:الله يسمع منش
زينب: اكي فجر اتسلم عليش
اصبيو: الله اسلمها
و كملو سواليفهم ..
بعدين سكرو المسن و نزلو تحت علشان ياخذون لهم ريوق من تحت ..
و نزلو وياهم لصبيان.ز
هالمره صار العكس
البنات نزلو من اللفت و لصبيان من الدرج
و كان محمد ينطط الكوره(كله وياهم هالكوره و لا هم هادينها الله اساعدها عليهم )
البنات طلعو من اللفت و سمعو صوت الكوره .. دارو وراهم و شافو لصبيان ..
فجر: وش هالصوت؟؟ عساها البط
البنات: هههههههههههه آميييييين
أحمد: هههههههه ولا عجوز الديره مالت هالدعاوي..
مرايم: هههههه يا شيبة النار
محمدو: هراره مرايم .. احنى سمعنا عجوز النار و عجوز الديره .. ما سمعنا عن شيبة النار..لو تبين اتخلين هالعياره علينا ههههههه
حسين : ههههه عجايز النار
زينب: بايخين
حسين : طالعين عليكم
و مشو عنهم البنات ..

النتضرو البارت الجاااي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
~][ zoOoz ][~
إدارة المنتدى
إدارة المنتدى
avatar

انثى
عدد الرسائل : 3171
العمر : 24
البلاد : مملكة البحرين ..
العمل : طالبه ..
مزاجي : كووول على طووول ..
تاريخ التسجيل : 20/03/2008

مُساهمةموضوع: رد: حياة زينب (من اجزاء)   السبت 11 أكتوبر - 20:45

أكملي أكملي
ونحن بإنتظاركـ هع
تحياتي لكـ
دمت بود

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com/index.htm
شذى الروح
مراقبة عامة
مراقبة عامة
avatar

انثى
عدد الرسائل : 473
العمر : 24
مزاجي : ملل..{
تاريخ التسجيل : 20/03/2008

مُساهمةموضوع: رد: حياة زينب (من اجزاء)   الإثنين 13 أكتوبر - 14:08

وآآآآآو بجد رووعه

يلآ بانتظآآرج

لاآ تطوليين

متآبعة عن ُبعد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الجمعة 17 أكتوبر - 7:48

زووز تسلمين ع المتابعه
شذى يسمووو حبيبتي .. واصلو ..>>>
الحلقه الثانيه عشر
بعد الغدا ابثلاث ساعات :-
فجر: قومو انروح السوق .. من جينا للحين ما رحنا
مرايم: لكن اني ما ادلي
فجر:اني ادلي .. لأن جايه اهني من قبل
زينب: أي .. يلا قومو برزو روحكم

نزلو و قالو للسيكورتير اذا احد سال عنهم اقولون له راحو السوق ..

اشترو و كل شي و رجعو ..
توهم داخلين الفندق ألا شافو لصبيان امبسطين ويا السيكورتي ..
زينب و هي امنزله صوتها علشان ما يسمعون : هييي .. يلا امشو على عدال علشان ما اشوفونا و ايتسالون
فجر : ليش؟؟
مرايم: لأن اذا شافونا .. سين و جيم و لا بتخلص السالفه
توهم بيركبو الدرج ألا احمد يصارخ:هيييييييي .. من وين جايين؟؟
زينب: وه .. زهقتني الله اغربلك .. جايين من السوق
احمد: ابروحكم رحتون؟؟
زينب: أي .. ابروحنا .. ليش تسأل؟
أحمد: مجانين انتون اتروحون ابروحكم السوق
مرايم: لا مو مجانين .. و احنى مو جهال علشان احد اجي ويانا السوق
أحمد: هههه أي كلش مو جهال
زينب: يلا امشو ما عليكم منه ..

ركبو البنات و دخلو الحجره
زينب راحت تتصل الى أم لان ما شافتها فاتحه في المسن
زنوب: هلااااا ام التوت
ام التوت: و أخيراص اتصلتين .. هلا بيش
زنوب: شخبارش؟
ام التوت: أسال عنش.. كنت انطر لو رنه منش .. و انتو شخباركم في ويا السفر؟
زنوب: كل شييي تمام

سحبت فجر من عند زنوب التلفون
فجر: هلاااااااااا .. شخبارش؟
ام التوت: هلااااا بيش تمام .. أي ادري ما فيش خير لو مو زينب الي متصله جان ما كلمتيني ..
فجر: أفا .. اني ما فيي خير ؟
أم التوت: ههه امزح وياش

و قعدو اسولفون ..


ما نامو البنات ألا بعد صلاة الصبحة .. لان قالو انهم بيسهرون ..
و قعدو من الصبح وكت و كل وحده فيها النومه و مو قادره اتبطل اعيونها
و بعد ما اتريقو و كل شي راحو لضريح السيده زينب..
اهناك كان زحمه و أبسرعه طلعو ..
مر أسبووع على السفر .. و جى آخر يوم
و راحو البحرين .. و طافت العطله على خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مافيه خطـــــيره
مشرفة المافيا العام
مشرفة المافيا العام
avatar

انثى
عدد الرسائل : 523
العمر : 24
تاريخ التسجيل : 25/03/2008

مُساهمةموضوع: رد: حياة زينب (من اجزاء)   الجمعة 17 أكتوبر - 7:52

الحلقة الثالثة عشر ..
......................
....................
...................
..................
................
..............
.............
............
...........
..........
.........
........
.......
......
.....
....
..
.

و مرت السنيييييييييييييييين ..
صار عمر زينب 16 سنه و عمر حمود 14 سنه و فطوم عمرها 11 سنه و زهرة عمرها 17 سنه و مرايم 15 سنه .. و أحمد 17 سنه .. و انحجزيت زينب ألى احمد
و كل يوم جمعه اشوفون بعض في بيت أبوهم العود .. يعني ما قطعو هالعاده


جى يوم ألجمعه .. لكن ما صار شفيه شي غريب او حليو .. غير أن فجر اتصلت الى زينب ..
فجر: هاااااي
زنوب: هايات .. عاش من سمع هالصوت
فجر: شخبارش وش أمسويه؟
زنوب: الحمد لله ابخير و انتي شخبارش؟
فجر: اني الحمد لله تمام.. من زمان ما اشوفش .. قبل كنت في المدرسه أشوفش و الحين كلش ..
زنوب: والله مد قال لش تنتقلين الى مدرسه ثانيه
فجر: أي لو زين ما انتقلت .. ألا شخبار باقي الربع؟
زينب: كلهم زينبن
فجر: انزين . بقول لش شي
زينب: قوولي
فجر: ابي اقول بس مو عارفه
زينب: قولي و لا عليش
فجر: بقول و أمري لله .. تذكرين اخوي حسين الي سافر ويانا سوريا؟
زنوب: أي وش فيه؟؟
فجر: ما فيه ألا الخير .. بس هو قال لي انه يبي يخطب و يبيني أدور له وحده .. و أني ابيش انتين له
زينب: ....
فجر: وينش؟
زينب: معاش
فجر: ها وش قلتين؟؟
زينب: اني محجوزه لولد عمي أحمد
فجر: اهاااا .. انزين دوري لنا وحده من طرفش حلوه و مزيونه
زينب: انشالله .. بس هو وش المواصفات الي يبيها للبنت؟
فجر: يبيها حلوه و خلوقه ..
زينب: انزين .. تذكرين مرايم بنت عمي الي سافرت ويانا الى سوريا؟
فجر: أي اذكرها
زينب: وش رايش فيها؟؟
فجر: خووش وحده .. بس أول شي بسأله و برد عليش
زينب: أوكي
فجر: اوكي يلا بااس
زينب: بااااي .. ابسرعه ردي أوكي؟؟
فجر: انشالله
و سكرو ..

و بعد يومين ردت فجر على زينب ..
زينب: هلاااا .. ها بشري .. وافق؟
فجر: أي وافق .. عجبته لبنيه
زينب: أووووه زين .. عجل بنصير نسبه
فجر: أي .. حدي مستانسه
زينب: اني بعد
فجر : ألا أقول .. قلتين لمرايم؟
زينب: لااا.. كنت انطر رد أخوش
فجر: غبيه حدش .. يلا قومي قولي ليها .. و اذا نست شكله بعطيها صورته.
زينب: أوكي .. يلا باي
فجر: باي
اتصلت زنوب الى مرايم :
زنوب: على البركه على البركه .. منه المال و منش لعيال
مرايم: ليش؟
زنوب: بتعرسين
مرايم: بسش مقالب الي شفته منش اكفايه ..
زينب: والله العظيم ما امزح ..
مرايم: ..........
زينب: وييي ما نقدر على الي يستحوون .. ما ألومش .. الا ما سألتيني من سعيد الحظ؟
مرايم: من؟
زينب: تذكرين حسين ألي سافر وياني سوريا؟
مرايم: ما اذكره
زينب: الي أخو فجر
مرايم: اييييييييييييييييي اتذكرته .. هذا هو؟
زينب: أي .. هو اموافق عليش .. و أنتين وش قلتين؟
مرايم: بفكر
زينب: فكري لين ما تشبعين و ردي
مرايم: أوكي .. يلا باااي
زينب: باي

و بعد التفكير و كل شي .. وافقت مرايم على حسين .. و حجي يوسف (أبو مرايم) أموافق لكن ابشرط أن بنته اتكمل درستها و تتخرج بعدييين تتزوج .. يعني تنحجز الى حسين ..
وافق حسين على الشرط ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
~][ zoOoz ][~
إدارة المنتدى
إدارة المنتدى
avatar

انثى
عدد الرسائل : 3171
العمر : 24
البلاد : مملكة البحرين ..
العمل : طالبه ..
مزاجي : كووول على طووول ..
تاريخ التسجيل : 20/03/2008

مُساهمةموضوع: رد: حياة زينب (من اجزاء)   الجمعة 17 أكتوبر - 19:55

وآآآآآآآآآآآآآو
يلا عاد مافيه خطيره
كملي بسرعه
ما اتحمل

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia-school.yoo7.com/index.htm
 
حياة زينب (من اجزاء)
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات مافيا المدرسة :: 
|[ المافيا الأدبي ]|
 :: مافيا القصص والروايات
-
انتقل الى: