عندما يتغير عليك شخص غالي عندك ....

السلام عليكم ورحمة الله وبركاته

موضوعي جدا حساس وابي من الكل يبدي رأيه وبصرااااحه ....

عندمـــا تتغيــر معاملة شخص غالي عليــك
ويــاليت بس غالي..يكون هذا الشخص صديق عمرك..
أويقربلك..يعني من كل النواحي..
فجـــأه تتغير معاملته معاك..وبدوووون اي سبب..
ولاحتى غلطت عليــه اوجرحته بشي عشان تقول لنفسك
انه غير معاملته عشان يحسسك بالذنب
اذا كلمتــه يرد عليـــك بجفاوه..وعدم اهتمام..
واذا سألته عن اللي يكون مضايقه..يرد عليك ويقول مافي شي..

تحاول تقترب منه..وهو يبعد عنــــك..

واذا تجمعتوا مع اصحابكم...يكوون مبسوووط..ويحكي ويسولف..
واذا راحوا وبقيت انت..وهو بس..يرجع مثل اوول..
وكأن كل الضيوف راحوا..وانت عالهامش..
(جيت الله يحييك..ماجيت..بسلامتك)..
تطلع..مايودعك..مثل اللي راحوا..تجي عادي يسلم..
ولا كأنك تجي عشانه..!!
احيـــانا تجلسوون وتسوولفون..ومع اصحابكم..
واذا جيت انت وسألته عن شي يرد عليك..بأسلوب يضيق الخلق..
ويقول ماادري اوأي شي..
وفجأه تلقاه يسولف مع واحد من الاصدقاء عن هالشي اللي سألت عنه..
تحسه كأنه مايبيك تعرف..اومايبي يقوولك..

والمشكله اللي اكبــــــر من هذا كلّه..
اذا كانت علاقتك انت وهو قويــــه..
اكثرمن الشخص اللي يسولفله..ويقول له.. !!
واشيــــاء وتصير احداث..
وانت آخــــر من يعلم..
والمفروض انت قبل كل الناس تدري..

وسبحــــــــــان الله..انت تعامله بأحسن معاملة
بكل اللي ذكرته فوق...انت تعامله بأحسن معاملة

تحــــس انك الوحيــد بهالدنيـــا..مالك احد فيها..
تحــس كل الناس يكرهونك..حتى تكره نفسك..
تصيــــر الدنيــا بعيــــنك كلـــها ظلااااام..مافي ولانور خفيــف..
تحــــس انك مسوي جريمه رغم انك..ماعمرك غلطت عليه..
تحــــس انك غلطـــان رغم انك..ماعمرك جرحته,,

كيف تتعامل مع هذا الموقف..
تروح عنده...وتقوول له عن اللي بقلبك..؟؟
...تسكــت وتخلـــي همك بقلبك..؟؟
اتمنى من الجميع المشاركة

انا عن نفسي ..
صار لي هالموقف و اني في الابتدائي مع بنت ... على نهاية السنه تغيرت علي 180 درجه

ما صارحتها و خليت هالشي في قلبي
و قلت ان الي خلقها خلق ألف غيرها
صح انها كانت غاليه على قلبي
لكن
في الي أغلى منها
و الي يستاهل ان اني أهتم له و أصارحه في كل شي و أبادله الكلام
بأختصار: اني كنت صديقتها و هي كانت صديقتي .. لكن هي الي تغيرت علي مو اني .. يعني مله داعي ان اني اهتم لوحده ما أتمت فيني و ما عطتني أي أهميه مع ان اني ما غلطت عليها

تسلمين حبيبتي ..{شذى الروح ..:)

تح ـياتي .. :مافيه خطيره

إذا أبتكلم عن نفسي
أنا مو كل شي أقوله إلي أي أحد حتى إلى ربعي القريبين مني
عندي أشيا مو الكل يعرفهااا
لأنه أنا طبعي ما أحب أتكلم عن مشاكلي وهمومي
ونقطه السؤال عن الي في النفس والرد ما في شي << يعني هاذي عادتي
لأنه أنا ما احب اتكلم
والكل يقول لي تكلمي وانا ارفض لأنه هذا طبع فيني
و إذا كانت صديقة عندي وعاملتني بجفاف وما اهتمت فيني
أنا ما اعتبرها موجودهـ
لأنه هي لو تبيني كان سألت عني على الأقل
فأنا ما أهتم بإلي ما يهتم فيني

تسلمييييييييي شذى الروووح

وسامحيني إذا طولت

اختيzoOoz
كلامش مو عدل
لوي مو انتين الا تروحين وتسلمين عليها او اي شي يعني
يعني مو ادا مره وحده تغيرت عليش
لابس ادا يعني كل يوم تسلم عليش ويوم ماجت تسلم عليش مو معناتها ماتروحين انتين تسلمين عليها
سوري ادا ازعجش كلامي

Miss khajoola

[/b][/center]

miss khajoola كتب:: اختيzoOoz
كلامش مو عدل
لوي مو انتين الا تروحين وتسلمين عليها او اي شي يعني
يعني مو ادا مره وحده تغيرت عليش
لابس ادا يعني كل يوم تسلم عليش ويوم ماجت تسلم عليش مو معناتها ماتروحين انتين تسلمين عليها
سوري ادا ازعجش كلامي

Miss khajoola

[/b][/center]

أنا أحاول أسلم عليها لكن إذا شفتها ما ترد عليي حتى بهالسلام
ليه أتعب نفسي ..؟!
يعني بالمختصر المفيد ..
إلي مو مهتم فيني ما أهتم فيه لأنه أقل شي السلام في حق أي إنسان وإذا ردوا عليك بعد وش بتسوين
بتترجينهم ..
و لو تسألي غيري بقول لك زي كلامي ..
لأنه يبين الإنسان إذا مرغوب فيه ما بين هاذي الجماعه !!
وسامحيني إذا طولت ..

تحياتي
زووز

{zoOoz}
اني ماقصدت ادا سلمتين وماردت عليش
ادا سلمتين عليها وماعطتش وجهه هدا شي اكييد مابتهتمين اليها مثل ماهي مو مهتمه اليش
بس اني كنت اقصد ادا هي مثلا ماسلمت عليش يعني انتين تروحين تسلمين عليها
اني كنت اقصد جدي

{Miss khajoola}

ايه الحين انا شفتها ورحت اسلم عليها
وهي ما ردت عليي
ليش اهتم فيها واجلس افكر ليه ما ردت عليي
وليه وليه ........!!
شي ما له داعي ..
زي ما أنا صرت في حياتها شي ما له داعي !!

تسلمي خيووو على تواصلكـ الحلوو
لا تحرمينا منوو ..
تحياتي لك ..
دمت بود ..