........انا جميلة..........

السلام عليكم ورحمة الله وبركاته000000
انا جميله ... وانتي جميله ...
كل وحده منا فيها جمال باين او مسخبي ... بس فيه الحلوه حيل...والعاديه
كل بنت تحب تكون جميله ...فيه بنات يسعون للجمال وفيه بنات يحافضون للجمال ...
وهذا شيء جميل .. ومتطلب عن المراه
فالمرأه اسمها يرتبط بالجمال
فالوجه مراء للانسان ..
والشعر زينة المرأه ..
والجسم له دور كبير في الاناقه ..


طيب السؤال كيف يكون العنايه بالجمال..؟
الجواب .. فيه طريقتين مهمتين
بس قبل ...

كل بنت لازم تقتع نفسها انها جمليه بس يبيلها اشوي اهتمام
وانها مع الاهتمام والعزم بتطلع ملكه ....<<&szlig;-اخس خطيره بالتشبيه انا

اولاً : من الداخل
وهذا اهم شي اساس الشكل الخارجي الداخل
"الوقايه "
* المداومه على ذكر الله والصلاة على محمد وآل محمد ... سبحان الله ذكر الله يزيد الوجه نور ... تظهر الراحه عليه " سيماههم على وجوههم ".


الغذاء الصحي : ما يصير شي أي شي الابالغذاء .. وهذا شي طبيعي لان الغذاء هو اللي يبني الجسم ... يعني هو الاساس ... واهم شي الخضار والفواكه .
النوم : وهي من الحاجات المهمه جدا جدا ... الحين قليل اللي ينام مبكر ... مع ان النوم المبكر له فوووائده الكثيره ...ما تنعد ولا تحصى " وجعلنا الليل سباتا "
الاسترخاء والراحه قبل النوم : حاولوا بقدر الامكان تنامون وانتم مرتاحين ... الان النوم بدون الراحه ما يفيد حتى لو مبكر لانو مثلا نمت وانتي تفكرين ومحتاسه ... بتقعدين اليوم الثانيه متبهدله وحالتك حاله ... والهالات والشحوب ماليه وجهك .
·الراحه النفسيه : وهذي لها اثرها الكبير على كلشي في الانسان ... سواء الشكل او الصحه

هذا تقريبا اهم الاشياء اللي يجب الاعتناء بها من الداخل
كثير اللي يتجاهلونهم وعلى طول يلتفتون للكريمات والاقنعه
بس هم ماراح يفيدون ابدا اذا ما اعتنيتي من الداخل لان الداخل هو الجوهر .. مثلا وحده تحت عيونها هالات سودا من السهر وسوء التغذيه والتفكير وتبي شي يشيلهم ...مهما شرت وسوت من اقنعه ماراح يفيدها ابدأ .. وحتى لو بيفيدها في يوم يومين وماراح تستفيد


ثانيا :من الخارج


ماراح اتكلم عن المواد الكيميائيه
لاسباب ...
اولاً: ما اضمنهم لكم ... ثانياً : عندكم الصيدليات وروحوا اشتروا
ثالثاً : كثير من المنتجات تعطي نتيجه عكسيه اما اثناء الاستخدام او اذا تركتيها يعني اللي تاخذ كريم تفتيح للبشره ممكن تتفتح بس اذا تركته بترجع اسمر من قبل ...


" البشره "


انواع البشره

* البشره الدهنيه : من احسن انواع البشره ... مع ان الكل يتذمر من بشرته الدهنيه لانها تطلع بها حب اكثير وتفرز دهون ووصخ
بس هي الاحسن مع الاعتناء بها ... لانها قويه وما تشيخ وما تظهر بها التجاعيد بسهوله
البشره الجافه : ما تظهر فيها حبوب ولا افرازات ... بس تظهر فيها التجاعيد بسرعه.. فيه نوعين منها ...
" نقص ماء " وهذي سهل العنايه فيها مجرد المداومه على غسل الوجه بالماء الورد
" نقص دهون " هذي مسح الوجه بزيت الزيتون ... وهذي البشره متعبه

* البشره العاديه : بشره عاديه شقول فيها ... بس هي يطلع فيه نفط سوداء احيانا

البشره المزدوجه : مخلوطه بين الدهنيه والجافه وهي من اصعب البشرات.. تكون الخدين جافين والانف والجبه وتحت الشفايف دهني على شكل حرف T والاعتناء فيها يكون على حسب الدهني بماسك غير عن الخدين

هذي تقريبا اهم البشرات

نصائح :
1- قبل وضع الماسك غسل الوجه بماء الورد
2-الماسك يصر في الغالب ربع ساعه فقط
3-عن غسله يغسل اولا بالماء الساخن وبعدها البارد عشان يغلق المسامات

مواد مفيده للبشره "بدون مقادير بدون خلطات بدون اوقات ":
ماء الورد ، زيت الزيتون ، الثلج ، الليمون ، العسل ، الزبادي


اللبشره الجافه والعاديه
(1)
·خميرة فوريه
حليب بارد " حليب السعوديه " كامل الدسم
يمتسجون مع بعض ويوضع على الوجه
(2)
* بة موزه متوسطه
* صفار بيضه
* ثلاث ملاعق حليب بودره
* ملعقتين رز منقوع

البشره الدهنيه :
(1)
*خميره فوريه
* حليب بارد قليل الدسم
يمتسجون مع بعض ويوضع على الوجه
(2 )
* ملعقة شوفان
* خيارة مبشوره
يخلط بالخلاط ...يوضع لمدة عشرة ايام

توحيد لون البشره :
·ملعقه ونصف نشا
ملعقة شاي
جلسرين
عصير ليمونه
ذرة ملح
قليل من ماء الورد
يخلط ويوضع على الوجه ... ثلاث مرات في الاسبوع


تنفيخ الوجه :
(1)
·حلبه مطحونه
حليب بارد
يخلط ويوضع على الوجه ... ثلاث مرات في الاسبوع
(2)
* خميره فوريه
* حليب بارد
يخلط ويوضع على الوجه ... ثلاث مرات في الاسبوع

تفتيح البشره :
·نشا
ماء ورد
يخلط ويوضع على الوجه ... ثلاث مرات في الاسبوع

نضارة وشد البشره:
·بياض بيضه
ملعقة ليمونه
ملعقة زيت زيتونه
يخلط ويوضع على الوجه ... ثلاث مرات في الاسبوع


صنفرة طبيعيه:
(1) للوجه :
·ملح
كريم الجلسرين
(2) للجسم :
·ماء ورد
ملح
ليمون

قناع العسل
·2 ملعقة عسل جيد
كريمه طازجه او " دريم ويب + بياض بيضه "
نص ملعقة نشا
ملعقة زيت اللوز الحلو
يخلط ويوضع مره واحده في الاسبوع

للتخلص من الحبوب بعد حف الوجه او الجسم او الحلاقه للرجال :
·افركي وجهك بحبة ثلج قبل الحف عشان يغلق المسامات ويعمل كتخدير
بعد الحف ضعي العصرة الصفرا اللي يحطونها للاطفال لاتعاب الحفائض .... ناسيه شنو اسمها بس هي معروفه حيل
وان شالله مراح تلاحضين اثر حتى لو بيصير خفييييييييييف مرره

" الشعر "
ما عندي له الكثير ... بس الخير في الموجود

اولا : حبي شعرك ... واعتبريه تاجك الثمين اللي لازم تحافضين عليه
ثانيا : قللي قدر الامكان من الصبغات الطبيعيه ..لانه يخشن ويبهت الشعر
ثالثا : قللي من الاستشوار المتكرر للشعر ... يقصفه
رابعا : حاولي بعد الامكان تدلكين فروة الشعر لمدة ربع ساعه يوميا عشان تتحرك الدوره الدمويه في الفروه
خامسا : استخدمي مشط جيد للتمشيط ... ومشطيه بخفه ولا تضغطين بالمشط على الجلده ... ولا تمشطينه وهو مبتل ابدا
سادسا : طبيعي ان الشعر يتساقط ومعدل 50 شعره يوميا يمكن ما يتلاحظ في الشعر القصير ...بس يوضح في الطويل ... فشتوفون اللي شعرهم طويل دائما اللي يشكون التساقط ...ويرحون يقصونه واذا قصوه نفس الشعر يطيح بس لان الشعرات قصيره ما تبين كثير ويقولن الحمدالله خف التساقط


نصائح :
·الزيوت او الخلطات لا توضع على الشعر اكثر من ثلاث ساعات ... لان مدتها تسبب تساقط للشعر
بعد وضع الزيوت غطي الشعر بغطاء بلاستيكي


تساقط الشعر :
·حبتين فلفل حار احمر ... يغلون في قليل من الماء في قدر الى ان يفوح الماء وتطلع رائحة الفلفل
ضعي بيالة زيت زيتون على القدر وحركيه لمدة ثلاث دقائق
صفي الزيت من الفلفل وبعد ما يبرد يوضع على الشعر

تمليس طبيعي
* اخذي شور وفركي شعرك بالشامبو
قبضه باميه ... يغلون في الماء في قدر الى ان تستوي الباميه
مسحي شعرك بقليل من الزيت قليل جدا
ضعي ماء الباميه على الشعر بعد ما يبرد ومشطي شعرك وخليه
لاتغسلين شعرك ... لان مافيه ريحه للباميه ... اذا غسلتيه بيروح كلشي ... ماء الباميه بيصير لزج
غسلي شعرك فياليوم الثاني بالماء فقط
كل اسبوع مرره

تطويل الشعر :
*زيت سمك " الزيت اللي بعد ما تقلون فيه السمك ..زيت مستعمل .. حتى يكون فيه بقايات "
طبعا هو قررف جدا
بس مفيد جدا جدا جد ا
لان كل فوائد السمك راح تصير في شعرك
يطول الشعر بشكل كبير ...حتى البصيلات الميته بتنمو مع الاستمرار

للشعر الخشن
·زيت خروع + زيت زيتون

الشعر العادي
·زيت خروع + زيت عافيه

" زيت الخروع مفييد جدا بس غلط استعماله لوحده بدون اضافات "