الآن : حول أي ملف من mp3 إلى wav | أو | من wav إلى mp3 بدون أي برنامج

السلام عليكم ورحمة الله وبركاته
اللهم صل على محمد وآل محمد الطيبين الطاهرين

اليوم جايبه ليكم طريقة تحويل ملفات الـ wav إلى mp3
أو تحويل ملفات الـ mp3 إلى wav
ولكن بدون أي برامج !!

طبعاُ الحين الشرح على اساس إن الملف الي نبي حوله هو بصيغة WAV إلى صيغة MP3
والأمر نفس الشي إذا بغيت تحول بالعكس يعني من MP3 إلى WAV
وراح اذكر الإختلاف البسيط الي تسويه

ولا يغركم طول الشرح , ترى والله سهل وبسيط

الخطو الأولى : افتح برنامج Sound Recorder وهو برنامج يأتي مع الوندوز
يعني موجود في كل كمبيوتر .

إذا ما تعرف شلون تفتحه فأذهب
إلى
Start
ثم
Programs
ثم
Accessories
ثم
Entertainment
وراح تحصل البرنامج المطلوب الا وهو
Sound Recorder

اضغط عليه وراح يفتح البرنامج ( صغير جداً )

الخطوة الثانية : من قائمة ( File ) في برنامج Sound Recorder
أختار ( Open ) حتى نفتح الملف الي تبغي نحوله
راح يطلع لك مربع الي من خلاله تقدر تحدد مكان الملف وتفتحه
اختار الملف واضغط على ( Open )
[line]
طبعاً هني ملاحظة بسيطة وهي : لمن يطلع لك هذا المربع الي من خلاله تختار الملف ما راح تشوف إلا ( المجلدات - يعني الفايلات ) أو الملفات الي بصيغة WAV يعني ما راح تشوف الملفات الثانية مثل الصور اوملفات الوورد أو اي نوع ثاني غير الـ WAV
طيب لو احنه نبغي نحول بالعكس ؟ يعني نبغي نحول من MP3 إلى WAV ما راح نشوف الملف حتى نختار ونكمل عملية التحويل !ّ
طريقة عرض كل الملفات حتى تقدر تشوف ملفات الـ MP3 هي : في المربع نفسه في مستطيل اسمه
Files of typs
راح تشوف مخلين الخيار على
Sounds (*.wav)0
غيره إلى
All Files (*.*)
وراح تبين كل الملفات ومن ضمنها ملفات الـ MP3
[line]
نرجع نكمل الشرح
قلنه نضغط على كلمة ( Open ) عقب ما نحدد الملفا المراد تحويله

الخطوة الثالثة :من قائمة( File )
نختار save As
راح يطلع عندنه مربع الحفظ
طالع تحت في مربع الحفظ بتشوف زر ( Change )اضغط عليه وراح يطلع لك مربع آخر
هذا المربع فيه ثلاث قوائمة وهي
Name :
هذا الخيار مو مهم , لكن راح اقول لك شنو وظيفته
وظيفته هو تخزين إعدادات وتسميتها بإسم , يعني من خلال قائمة Attirbutes تقدر تحدد إعدادات
وتحفظها في هالخيار حتى تسهل عليك عملية اختيار الاغعدادات مرة ثانية في حال التحويل

Format :
هذي القائمة تتضمن بعض أنواع الصيغ الصوتية
ونختار الحين منها MPEG Layer-3

Attirbutes :
من هالقائمة تقدر تحدد جودة الملف !
كلما زاد الرقم الي بجانب kBit/s زادت الجودة وزاد الحجم
وكلما زاد الرقم الي بجانب Hz زادت الجودة وزاد الحجم
وإذا كان الخيار Stereo يعني سماعتين وإذا كان Mono يعني سماعة
وطبعاً الملف الي راح نحوله هو للجوال يعني اكيد بنستخدم الـ Mono

عن نفسي أفضل الإعدادات لملف الـ WAV تكون هكذا
16kBit/s, 8,000 Hz, Mono
أو
16kBit/s, 11,025 Hz, Mono

الخيار الي قبل الأخير
حتى يعطيك جودة متناسبة مع الحجم

وبالنسبة لصيغة MP3 أفضل الخيار
24kBit/s, 16,000 Hz, Mono
حتى يعطيك جودة متناسبة مع الحجم

بعد ما نحدد الخيارات المطلوبة نضغط على كلمة OK
فنرجع إلى مربع الحفظ

الخطوة الرابعة :مربع الحفظ فيه خيارين , الخيار الأول هو اسم الملف و الخيار الثاني هو نوعية الحفظ
الخيار الأول هو
File name
والخيار الثاني هو
Save as type

في الخيار الأول تكتب اسم الملف الي تحبه متبوع بـ .mp3
يعني مثلاً لو أسم الملف هو ali
يجب أن تكتبه هكذا
ali.mp3

وفي الخيار الثاني
تخلي الخيار على
All Files (*.*)

ثم تغط على Save

ومبرووووووووووك تمت عملية التحويل خخخ ...

انزين شنو الفرق في الخطوات لو بغينه نحول من MP3إلى WAV ?

الفرق هو في الخطوة الثالثة إنك تخلي الخيار Format :
على PCM

وفي الخطوة الرابعة
في خيار File name
تكتب اسم الملف متبوع بـ .wav
يعني لوكان اسم الملف ali راح تكتبه هالشكل
ali.wav

في خيار Save as type
تخليه على خيار

Sounds (*.wav)0


وإن شاء الله تستفيدون من الشرح الخاص بأعضاء وزوار منتدى مافيا المدرسة

^^
يور ولكم
ما سويت شي عمري ^^
كلشي يهون لعيونكم الحلوة

يسلموا على الطريقه الحلوه
وماتقصرين اختي

الى الامام